Эта запись была опубликована на стене группы "Колпинский храм" 2021-07-23 16:39:19.
Посмотреть все записи на стене
Колпинский храм
2021-07-23 16:39:19
24 июля Русская Православная Церковь празднует память святой равноапостольной княгини Ольги.
В 16:00 в нашем храме будет отслужен молебен святой Ольге, записки на который можно подать по ссылке:
https://vk.me/kolpinskiyhram
-----------------------------------------
Тропарь, глас 1
Крила́ми Богоразу́мия впери́вши тво́й ум,/ возлете́ла еси́ превы́ше ви́димая тва́ри,/ взыска́вши Бо́га и Творца́ вся́ческих,/ и, Того́ обре́тши, па́ки рожде́ние Креще́нием прия́ла еси́:/ дре́ва живо́тнаго наслажда́ющися,// нетле́нна вове́ки пребыва́еши, О́льго присносла́вная.
—-----------------------------------------
Ин тропарь, глас 8
В тебе́, Богому́драя Еле́но,/ изве́стен спасе́ния о́браз бы́сть в Ру́сстей стране́,/ я́ко, прии́мши ба́ню свята́го Креще́ния,/ после́довала еси́ Христу́,/ творя́щи же и уча́щи, е́же оста́вити и́дольскую пре́лесть,/ восприя́ти же попече́ние о души́, ве́щи безсме́ртней,/ те́мже и со А́нгелы ра́дуется,// равноапо́стольная, дух твой.
—------------------------------------------
Ин тропарь, глас 4
Оста́вивши ле́сть и́дольскую,/ после́довала еси́ Христу́, Безсме́ртному Жениху́,/ О́льго Богому́драя,/ в Его́же черто́зе ра́дующися, непреста́нно моли́ся// о чту́щих ве́рою и любо́вию святу́ю па́мять твою́.
---------------------------------------------
Ин тропарь, е́ллинский (из Минеи МП), глас 3
Свята́я равноапо́стольная избра́ннице Христо́ва,/ княги́не О́льго,/ наро́д твой слове́сным и чи́стым Христо́вым млеко́м напои́вшая,/ моли́ся Ми́лостиву Бо́гу,/ да прегреше́ний оставле́ние// пода́ст душа́м на́шим.
—-------------------------------------------
Ин тропарь (из греческой Минеи, перевод Наталии Бахаревой), глас 3
Боже́ственныя ве́ры нача́ло свято́е/ в Росси́и показа́лася еси́,/ ко благода́ти Спа́сове прише́дши/ и к ней лю́дие твоя́ приве́дши,/ я́ко и́стинная цари́ца и богоприя́тная./ О́льго сла́вная,/ Христа́ Бо́га моли́// дарова́ти нам ве́лию ми́лость.
—--------------------------------------------
Кондак, глас 4
Воспое́м днесь Благоде́теля всех Бо́га,/ просла́вльшаго в Росси́и О́льгу Богому́друю,/ да моли́твами ея́/ пода́ст душа́м на́шим грехо́в оставле́ние.
—----------------------------------------------
Ин кондак, глас 4
Яви́ся дне́сь благода́ть всех Бо́га,/ просла́вльши в Руси́ О́льгу Богому́друю,/ моли́твами ея́, Го́споди,// лю́дем пода́ждь грехо́м оставле́ние.
—--------------------------------------------
Величание
Велича́ем тя,/ блаже́нная и равноапо́стольная княги́не О́льго,/ и чтим святу́ю па́мять твою́,/ и́долы попра́вшую/ и мно́гия лю́ди росси́йския святы́м Креще́нием просвети́вшую.
—--------------------------------------------
Ино величание
Велича́ем тя,/ свята́я равноапо́стольная княги́не О́льго,/ я́ко зарю́ у́треннюю в земли́ на́шей возсия́вшую/ и свет ве́ры Правосла́вныя/ наро́ду своему́ предвозвести́вшую.